Doyunca yedim

Aytən Eyvazon 

Çox çox zaman əvvəl qədim Deyləmdə Fatma adında zəhmətkeş və dindar qadın yaşayırdı. Bu qadın həm zəhmətkeş, həm mübariz, kişi xislətli qadın idi. Kənddə hər kəs onu tanıyır, ona hörmət edərdilər. Kənd qadınları nə dərdləri oldu, onun yanına gələrdilər. Qonşuluqda yaşıyan bəzi qadınlar ona paxıllıq edər, onunla hər bir işdə rəqabətə girərdilər. Qadının əri bazarda ticarətlə məşğul olardı. Yaxşı pis günlərini keçirir,  dolanırdılar.

Bir müddət əvvəl Fatma qadının qonşuluğuna bir böyük, adı hər yanda məhşur olan din alimi köçür. Bundan xəbər tutan kəndin, uzaq kəndlərin sakinləri onun ziyarətinə gəlirdilər. Bir gün qadın əri ona deyir ki, "xanım, mən bu gün alim qonşunu bazarda gördüm, onu evmizə qonaq dəvət etdim. Söz verdi yaxın günlərdə qonağımız olar. Səndə hazırlıqlar gör"

- "Baş üstə"

Qadın ərinin bu xəbərindən sonra hazırlıqlara başlayır. Evdə təmizlik işləri görür, evin divarlarını yenidən ağardır, bu möhtərəm qonağın gəlişinə həvəslə hazırlıqlar görür.. Bundan xəbər tutan qonşu qadın cəld evinə gedir. Ərinin yanına gəlib ona təkid edir ki, nə olur olsun sən gərək həmin alimi bizim qonşudan qabaq qonaq edəsən. Qadın o qədər danışır ki, axır əri əlacsız qalıb həmin alimin ziyarətinə gedir. Uzun uzadı təkiddən sonra alim onlara qonaq getməyə razı olur. Kişi gəlib arvadına deyir ki, ay arvad hazırlıq gör axşam qonağımız olacaq. Qadın bu xəbərə çox sevinir. Tez axşama hazırlıq görür. Həyətində olan ən böyük toyuğu kəsir. Plov bişirir. Əlqərəz axşam alim gəlir onlara qonaq olur. Bir az oturub evinə qayıdır. Qonşu qadın səhər Fatma xanımın yanına gedir. Bu vaxt Fatma xanım axşam gələcək qonağı üçün bişirməyə fərələr seçirdi. O cücələrin içindən üç cavan fərəni seçdi. Qonşu qadın bunu görüb istehza ilə dedi: -ay Fatma sən bu nöyük qonağın üçün bu cücələri kəsəcəksən?

 -bəli.

- Axşam bu böyük alım bizim evdə qonaq oldu, onun üçün həyətimdə ən böyük toyuğu kəsdim. Həm üç cücə kəsməyi heç məsləhət görmürəm. O boyda hazırlıqlar gördüm, toyuğu butov qızardıb alimin qabağına qoydum, amma o bir neçə tikə düyü yeyib yeməyini bitirdi. Sizdədə heç nə yeməz. Bir cücə bəs edər, kəsib onları zay etmə.

- Ay qonşu məgər hədisi eşitməmisən ki, Hz Əli deyib yaşlı toyuq əti donuz əti kimidi, ən yaxşı ət təzə uçmağı öyrənən cücənin ətidir?

Qonşu qadının rəngi ağardı. Bilmədi nə cavab versin. Yenə ozünü sındırmayıb dedi: - görərsən qonağın heç cücə ətinidə yemiyəcək.

- Bu gün mənim qonağım doyunca yeyib, razı gedəcək.

Axşam olur, böyük alım Fatma qadın gilə qonaq gəlir. Qadının əri möhtərəm qonağı hörmətlə salamlayır, içəri dəvət edib otururlar. Bir az sonra qadın süfrə sərir, onları süfrəyə dəvət edir. Qadının əri, alimlə gəlib süfrəyə otururlar. Qadın süfrəyə  evdə olan hər bir nemətdən düzmüşdü. Xurma, təzə bişmiş təndir çorəyi, plov və səhər kəsdiyi cücələrdən birini qızardıb süfrəyə düzmüşdü.

Bir süfrədə yan otağda uşaqları üçün salmışdı. Üşaqları üçün süfrəyə o qədər yemək qoymuşdu ki,qoy onlar doyunca yesin. Özüdə süfrəni elə yerdə salmışdı ki, qoy alım uşaqların yemək yediklərini görə bilsin. Sonra hamı oturub yemək yeməyə başlayır. Qadın pərdə arxasından baxır ki, alım yeməyə toxunmur. Fikrə gedir. Nəyi unutduğunu yadına salmaq istəyir. Birdəm nəzəri alimə sataşır. Alim onların eyvanının pəncərəsindən qonşuluqda olan evinə tərəf baxırdı. Qadın barmağını dişləyir. Tez gedib bir qazan yemək töküb alimin evinə gedir, yeməyi onlara verib qayıdır. Gəlib uşaqlarının yanında oturur. Birdə baxır ki, alım böyük iştahla yeməkdən yeyir. Qadın buna çox sevinir.

Şam yeməyindən sonra alim bir az onlaarda oturur, söhbət edir, sonra xeyir dua edib evinə getməyə hazırlaşır. Qapıda onlarla sağollaşarkən gülümsəyib deyir: "Bu gün mən doyunca yemək yedim" Sonra onlarla sağollaşıb evinə gedir. Qonağının razı getməsi Fatma xanımı çox sevindirir.