Orand

Nurəddin Şayə

Işdı dıli səpe Tıbə,

Işdı lınqo zomon rüdə.

Çaşon sırdə,sırdəj honi,

qlovnedəj ım zıvoni.

Halon kitob-vıl okardə,

Orand,qardəj-dınyo qardə!

Qəssəm bəhom bə Tıbə az,

bomı dəvard bətı bə ğarz.

Dınyo bılınd, ışdı sə barz,

çımı sədə qıləy əyyom-

ışdı lınqo zomon rüdə!

Rəğə voşe ışdı sədə,

çaşıj tıldə pıyə so-mon.

 Avəçəkkə zikkə jəydə

sıredə bə piyə zomon.

Çiki ümre lınqə rizon,

sığon səpe tozıx-mızon.

Işdı dıli səpe Tıbə,

Işdı lınqo əyyom rü bə,

ışdı lınqo zomon rüdə!